காதலிக்காதவன்

அவனுக்கு அவள் சலித்துப்போனாள் ..
அவளுக்கு அவன் புளித்துப்போனான் ..

"புரிதலுடன் நண்பர்களாகவே பிரிகிறோம் " என்று
நண்பர்களையும் குழப்பியே போய் தொலைந்தார்கள் ...

அவன் தந்த டெடி பியரும்
அவள் தந்த தேவதை ஓவியமும்
இன்னும் காதலித்துக்கொண்டுதான் இருக்கின்றன
அவர்களை சேர்த்து வைத்த 
அந்த நண்பனது வீட்டில்.....

தூக்கி எரிய மனமில்லாமல்
ஏனோ அவற்றை வைத்திருக்கிறான்
இதுவரை காதலில் வீழ்ந்திடாத
அந்த பாவி நண்பன் ... 

இவளவு தான் பாஸ் Facebook.

 = இனிமேல் பேசுறதுக்கு என்கிட்டே எதுவும் இல்ல 

****** = கெட்ட வார்த்தை 

...!!! = கவிதை 

typing ( சுமார் 40 நிமிஷமா) = நீயா ஓடிடு..நானா போ னு சொல்ல மாட்டேன்.. ரிப்ளை பண்ணவே மாட்டேன் 

சே குவேரா, பிரபாகரன் ப்ரொபைல் படம் = போராளி (யார் சொன்ன ?..அவங்களே சொன்னங்க )

நஸ்ரியா ப்ரொபைல் படம் = பொம்பள பேருல சுத்துற ஆம்பளையோட Fake ID

ஏ அமெரிக்க ஏகாதிபத்தியமே !!, என்ன மாதிரியான சமூகத்தில் வாழ்கிறோம் = அறச்சீற்றம் 

5 செகண்டு குள்ள இத லைக் பண்ணு = பிச்சைக்காரன்

எனக்கு புடிச்ச சினிமா - Sachin ( A post modern, neo-noir classic of the exotic Gothic,post apocalyptic film )

ரொம்ப நாள் கழிச்சி நம்ம டாக்டர் விஜய் நடித்த சச்சின் படம் பார்த்தேன்... சங்கவியுடன் நடிப்பதை நிறுத்தியதன் பின் வெகுசில படங்களில் மட்டுமே விஜய் சிறப்பாய் நடித்திருப்பார்.. துள்ளாத மனமும் துள்ளும், காதலுக்கு மரியாதை , பிரியமானவளே, வசீகரா போன்ற விஜய் படங்களுக்கு நான் ரசிகன் ( இங்கே ரசிகன் என்பது முன்னே கூறிய சங்கவியுடன் விஜய் நடித்த படம் அல்ல... FAN ).

அதன்பின் விக்கோ டர்மெரிக் முகம் முழுவதும் அப்பி திருபாச்சி படத்தில் ஒரு அவதாரமாய் விஜய் பரிணமிக்க தொடங்கினார்.....

சரி ரொம்ப பில்ட் அப் எழவு எல்லாம் வேணாம்.. நேரா மேட்டருக்கு வருவோம்.

சச்சின் .. என்னனே தெரியல...எனக்கு பிடிச்ச படம். நல்ல டிரெஸ்ஸிங் சென்ஸ் படத்தில் பார்க்கலாம்..

படத்தில் என்னை கவர்ந்த அம்சங்கள் :

1. கிளைமாக்ஸ் நெருங்கும் நேரத்தில் ரகுவரன் இந்தியாவின் மிகப்பெரிய பணக்காராய் வருகிறார். எவளவு "மிகப்பெரிய " என்றால் கால் முட்டி வரை நீளமான ஒரு கோட் அணிந்து வருகிறார். மார்க் அண்டனி ரோலில் நடித்த போது போட்ட கோட்டை அணிந்து வருவது அழகு. அதிலும் அந்த முட்டிக்கு கீழே கோட் இருப்பதை பார்த்தால் சட்டை மட்டும் அணிந்து நிற்கும் பாலு மகேந்திராவின் கதாநாயகிகள் நியாபகம் வருவது உறுதி.

2.சாதாரணமாய் ஆஸ்பித்திரியில் இருக்கும் ஒரு குழந்தைக்கு, கதற கதற ஒரு கதையை சொல்லி நல்லா இருந்த குழந்தையை ........ ( சரி வேணாம் விட்ருவோம்....அப்புறம் மனிதாபிமானமே இல்லையா ? ன்னு இன்பாக்ஸ் ல அர்ச்சனை வரும் ).

அப்போது சீரியசாய் இருக்கும் குழந்தையை பற்றிகூட கவலையே படாமல் பக்கத்தில் இருப்பவரிடம் கதறி கதறி ஹீரோ புகழ் பாடும் விஜையின் நடிப்பு method acting க்கு உதாரணம்... அட !! நம்ம விஜய் தம்பியா இப்படி என்று ஷாக் ஆகும் நண்பர்கள் கவனத்திற்கு , இரண்டாவதாய் இங்கே கூறிய விஜய் நம்ம தலைவாசல் விஜய் ( தலைவா விஜய் அல்ல ). ஆம் அவர்தான் குழந்தையின் அப்பா.

3. இதுதான் மிக முக்கியமாய் என்னை கவர்ந்த விஷயம். நான் சிறுவயதில் சிந்தாதிரிபேட்டையில் இருந்தபோது அடிக்கடி ஒரு சாகிப் பாய் வந்து சாம்பிராணி போட்டுவிட்டு செல்வார்.. ஒரே புகை மையமாய் இருக்கும்..நாங்க புகையில் அப்படி என்ஜாய் பண்ணி வெளையாடுவோம் . அப்புறம் மதுரை பக்கம் வந்துவிட்ட பின் தத்தனேரி சுடுகாட்டில் தான் அவளவு புகையை பார்த்திருக்கிறேன்.
அதே அளவு புகையை படம் முழுக்க வருமாறு அள்ளி தெளித்திருக்கிறார் இயக்குனர்.. MIST ஆம்.... எந்த அளவுக்கு mist வருதுன்னா coimbatore airport ல இருக்கிற பயணிகளின் பெட்டியில் இருந்தும் புகை வரும் அளவு மிஸ்ட்.shooting set ல இட்லி பரிமாறும் சமயத்தில் இட்லி குண்டானில் இருந்து இதை விட கம்மி புகை தான் வந்தது என்றும் செய்தி....
42 இன்ச் tv ல படம் பாத்தேன். எழுந்து போய் டிவி பின்னாடி ஒருவாட்டி பாத்துட்டு வந்தேன். சாகிப் பாய் மறைஞ்சி நின்னுகிட்டு சாம்ப்ராணி போடுறாரா ன்னு....அவ்ளோ mist படம் பூரா.....

(தமிழ் நாட்டை தனி நாடாய் மாற்றுவோம் என்று கூறும் "சே குவேரா பனியன் பாயிஸ் "இதை கவனிக்கவும்.. 2099 யில் நீங்கள் ஆட்சி அமைத்தால் இந்தியாவை இந்த சுவிசர்லாந்து effect வரும் அளவுக்கு முன்னேற்றவும்... எங்கள் north madras புளியந்தோப்பு ஏரியாவில் இந்த மாதிரி mist வந்தால் செம்ம கிளாமரா இருக்கும் )

சச்சின் படத்தை இயக்கியவர் ஜான் மகேந்திரன்...முள்ளும் மலரும் எடுத்த அவரது தந்தை மகேந்திரனை இந்த ஒரே படத்தின் மூலம் overtake செய்திருப்பார்...

சச்சின் ஒரு சூப்பர் Neo-Noir படம் .. .

எல்லா சந்தோஷமும் Spam Boxகே !!

1. You have won 4398753948750349570349 $ as prize money. Please contact us with your account number immediately.

2. Free Mobile top up for 300 Rs. Zoodo.com..Hurry up

3. You have won an Iphone lucky draw. Reply to avail your new Iphone 4S

4. Hey, I am Neha . 22 Years F from Bangalore. I am interested to meet you. 

5. My name is Stella Babi, I am interested in your profile and I think we can move up to the next level. message me your phone number in facebook.

6. There is an important transit of Jupiter occuring in August that is going to change your life for ever. Listen to what our Clairvoyants say about your detailed future. Exculsively free for you at Astrocenter.com

7. Umamaheshwaran you have been selected for a special discount on Samsung Galaxy Note II

8. APPLY NOW & Rebuild Your Credit With The Vanquis Visa Card - Up To 1,000 GBP Initial Limit!

எத்தனை கோடி இன்பம் வைத்தாய் இறைவா ?....
(அதை எல்லாத்தையும் ஏன் spam box இல் வைத்தாய் ???

சட்டு புட்டுன்னு ஒரு கதை-1 :

"ஐ லவ் யு டி.. நீ இல்லாம எனக்கு வாழ்க்கையே இல்ல ..பிளீஸ் புரிஞ்சிக்கோ ....உன்ன தவிர நான் வேற எந்த பொன்னையும் லவ் பண்ணல ..உனக்காக என்னோட பழைய காதல் எல்லாத்தையும் தூக்கி போட்டுட்டேன்...நீ இல்லனா நான் உயிரோடவே இருக்க மாட்டேன்.."

வித் லவ் 
தீபக் 

அவசரமாய் டைப் அடித்து விட்டு Ctrl + A , Ctrl +C அமுக்கி , அதை விட அவசரமாய் Ctrl + V யை பக்கத்துக்கு Chat Window வில் அமுக்கினா

சட்டு புட்டுன்னு ஒரு கதை 2 :

"என்ன எழவு சமூகம் இது ? உருப்படுமா இந்த உலகம் ?. விட்டுக்குடுக்கும் மனப்பாங்கு போய்விட்டது . நாம என்ன கற்காலத்துலயா வாழுறோம் ?.. மனுஷன மனுஷனா நம்பாத இந்த சுயநல சமூகம் நாசமாய் போகட்டும் .இந்த வெறிபிடித்த ...... "

இதுவரை இலவசமாய் கிடைத்து வந்த பக்கத்துக்கு வீட்டுக்காரனின் WiFi க்கு password போட்டு internet கிடைக்காமல் போனதால் பொருமி தீர்த்துக்கொண்டே டைப் அடித்துக்கொண்டு இருந்தார் எழுத்தாளர் "சமூகபொங்கி".

சட்டு புட்டுன்னு ஒரு கதை -3

மிக பிரபல அந்த ஹீரோவின் கால்ஷீட்டை கஷ்ட்டப்பட்டு வாங்கிருந்த அந்த டைரெக்டர் டென்ஷனாய் இருந்தார். அந்த ஒல்லிபிச்சான் ஹீரோ ஒக்கார வைத்து அந்த படத்து ஹீரோயின் மேல் தான் கொண்ட காதலை கக்கிகொண்டு இருந்தான் .

யூனிட் ஆளுங்களையும் புடிச்சி கதை சொல்லிக்கொண்டு இருந்ததால் ஒலக கடுப்பில் இருந்தார் டைரெக்டர் .

"என்னதான் நான் பெரிய ஹீரோவா இருந்தாலும் எனக்கு அவள புடிச்சிருக்கு ப்ரோ "

"வாஸ்தவம் தான் சார் , பெரிய ஹீரோ உங்களுக்கு புடிக்கிதுனா அது என்ன சும்மாவா "

"சும்மா இல்ல ப்ரோ , தெய்வீக காதல் "

"ஆமா ஆமா, அழகான பொண்ணுமேல தெய்வீக காதல் வராட்டி எப்படி ??...வாஸ்தவம் தான் சார் "

"நிலா மாதிரி அவ முகம் இருக்கே ப்ரோ.....அது " என்று ஹீரோ ஹீரோயினின் முக அழகை சொல்லிமுடிக்கும்முன் ,

"கார்ர்ரர்ர்ர்ரர் த்த்த்த்த்த்த்தூ " என்று எவனோ கத்தினான்.

"டேய் எவண்டா அவன், எவண்டா அவன் ?? " என்று யூனிட்டை பிரிச்சி மேய்ந்துகொண்டிருந்தார் ஒ.பி ஹீரோ.

"த்தா! இந்த மேக் அப் மேன் பொறம்போக்குக்கு எந்த நேரத்துல டென்ஷன் ஆவுரதுன்னு ஒரு வெவஸ்தையே இல்ல . நான் பொறுத்துக்கினு கேக்கல கம்முனு ?... ..." என்று மனதில் பொங்கிக்கொண்டு இருந்தார் டைரக்டெர் .

சட்டு புட்டுன்னு ஒரு கதை - 4

பழைய காதலியை தற்செயலாக ஷாப்பிங் மாலில் பார்த்துவிட்டு திரும்பிய தீபக் பேயடித்தது போல் உக்காந்திருந்தான்.

"ப்ரோ.பீல் பண்ணுறீங்களா ?..விடுங்க..உங்க காதலோட வொர்த் அவளுக்கு தெரியல...ப்ளீஸ் அவல விட்டு வெளிய வாங்க ப்ரோ. " என்று தோல்விகரமாய் தேற்றிக்கொண்டு இருந்தார் ஜிம் மாஸ்டர் குகன். 

அதில்ல டா.... இடுப்ப லைட்டா கிள்ளிட்டேன்னு அன்னைக்கு கோச்சிகிட்டு போனவ ...இன்னைக்கு 10 வருஷம் கழிச்சி பாத்ததும் ஒரு மாதிரி இருக்கு..பிலீவ் மீ..இட் இஸ் பெயின்புள்.. "

"இவளோ ஆழமான காதல அவ மிஸ் பண்ணிட்டா ப்ரோ "

"அதில்லடா...என் வருத்தம் எல்லாம் வேற "

" அவ புருஷன் மனோபாலா மாதிரி இருந்தான் ....அதானே ?....நல்ல பிகர்ஸ் க்கு அப்படி புருஷன் அமையுறது Evolutionary mechanism...பரிணாம வளர்ச்சி ப்ரோ... "

"அட அந்த கருமம் எல்லாம் இல்லடா...அப்போ கிள்ளுன இடுப்பு இப்போ சிலிண்டர் மாதிரி ஆகிடுச்சி ....அத நெனைக்கிறப்போ தான் என் மனசு வலிக்குது.....ப்ளீஸ் டா...உன் bluetooth ல இருந்து ரெண்டு விக்ரமன் படத்து பாட்டு அனுப்பேன்... I Need some peace bro " என்றான் தீபக்.

இன்றைய அழகுக்குறிப்பு

இன்றைய அழகுக்குறிப்பு 
.
.
.
.
.
.
.
.
.
.
.
.
.
.
குளியல்

தங்கமீன்கள் -ஒரு நேர்மையான விமர்சனம்.

தங்கமீன்கள் -ஒரு நேர்மையான விமர்சனம்.
.
.
.
.
.
.
.
.
.
.
தனது அடுத்த படத்தில் ஆண்ட்ரியா என்னும் தேவதையை டைரெக்டர் ராம் , ஹீரோயினாக அறிவித்திருப்பதால் தங்கமீன்கள் மிக சிறந்த படம் என்பதில் சந்தேகமே இல்லை ...
நான் இன்னும் படம் பார்க்கவே இல்லை ஆனா நிச்சியமா தங்க மீன்கள் ஒரு ஆகச்சிறந்த படம்

சட்டுபுட்டுனு ஒரு கதை 5 - ஒரே ஒரு லைக்

" நான் வாழறது இனிமே வேஸ்ட் சுஜா, நான் செத்துடுறேன்..நானும் அவளும் எப்படி எல்லாம் பழகனோம் ன்னு எல்லார விட உனக்கு தான் நல்ல தெரியும்.. இப்போ அசால்ட்டா அவ என்னைய மறந்துடு ன்னு சொல்லிட்டு வேற கல்யாணம் பண்ணிகிட்டா "

" விடு தீபக். அவ போனா போறா...நான் இருக்கேன் டா உனக்கு...எந்த தப்பான முடிவும் எடுத்திராத ப்ளீஸ்."

"முடில சுஜா , அவ நினைவுகள் என்னைய ரணமா கொல்லுது...நான் போய்டறேன் "

"டேய்..தீபக்."
Deepak, U thr?
Deepak. Pls reply

தீபக்க்க்க்

" சொல்லு சுஜா "

Log Off பண்ணுறதுக்கு முன்னாடி என்னோட Profile picture க்கு Like போட்டுட்டு போறியா ?.. 99 லைக்ஸ் வந்துருச்சி......அதான்...கோச்சிக்காத டா..ஓகே வா ?

சட்டுபுட்டுனு ஒரு கதை - 7

வார்த்தை மாண்பு :

புதியதாய் தொடங்கப்பட்ட அந்த ஜனரஞ்சக பத்திரிக்கையின் Chief Editor சீறியபடி Sub editor ரூமுக்கு வந்தார்.

" யோவ். என்னய்யா எழுதிருக்க ? இப்படிதான் ஆபாசமா திரிச்சி எழுதுவியா ஒரு செய்திய ? decent டா எழுத தெரியாதா ?...என்னய்யா பத்திரிக்கைகாரன் நீ ?..உனக்கெல்லாம் பத்திரிக்கை தர்மம் தெரியுமா தெரியாதா ?? "

"சாரி சார்....நீங்க எத சொல்றீங்கன்னு தெரியல....எது சார்.? " படபடத்தார் சப் எடிட்டர் .

இதொ இது தான் யா

" 1. ஹோட்டலில் விபச்சாரம் செய்த விபச்சாரிகள் கைது.. விபசாரத்திற்கு அழைத்தபோது போலீசிடம் பிடிபட்டனர்.

2. சீரியல் சைடு ஆக்டர் தற்கொலைக்கு முயற்சி "

"சார்...அது வந்து நான் புதுசு...அது வந்து "

சரி விடு...நான் கரெக்ட் பண்ணிட்டேன்.இந்தா இந்த ப்ரூப் ல இருக்கிற மாதிரி போடு

" 1. ஹோட்டலில் 'தொழிலில்' ஈடுபட்ட 'அழகிகள் ' கைது. 'உல்லாசமாய் ' இருக்க வாலிபரை அழைத்தபோது போலீஸ் வலையில் சிக்கினர்.

2. பிரபல நடிகர் தற்கொலை முயற்சி.பரபரப்பு தகவல்கள் "

சரி சார்....தங்க யு சார்...

" ஹ்ம்ம் ஹ்ம்ம் இருக்கட்டும் இருக்கட்டும்...அப்புறம் தினம் தினம் தினத்தந்தி படிச்சி பழகனும்..ஓகே வா ?..அப்போதான் இந்த மாதிரி சரியான வார்த்தை பிரயோகம் வரும்."

லயன் பேரீச்சம் பழம் வழங்கும் நானா நீயா ??

வர வர லியோனி பட்டிமன்ற தலைப்புகள் தேவலாம் என்ற ரீதியில் போய்க்கொண்டு இருக்கிறது நீயா நானா ? தலைப்புகள்...

அடுத்து வரும் வாரங்களுக்கு சில தலைப்பு யோசனைகள்.

விஜய் படத்தில் சிறந்தது
குருவியா ?? சுராவா ??

பொங்கலுக்கு உகந்தது 
சட்னியா ?? சாம்பாரா ?

சிம்பு
நல்லவனா?? கெட்டவனா ??

வாசகர் கடிதம் அதிகம் எழுதுது
சாருவா ?? ஜெமோவா ??

அணிய சிறந்தது
Jockey ?? Poomex ??

அமர சுகமானது
western toilet or Indian style toilet?

பஜ்ஜி எண்ணை பிழிய
தினதந்தியா ?? ஆ.வி யா ??

இரும்புக்கை நார்மனா ? வேதாளரா ??

விக்ரமன் படம் ரீமேக் செய்ய சரியான ஆள்
stanley Kubrik? Speilberg ?

நீயா நானா அடுத்த host
லியோனி ?? டாக்டர் ராமதாஸ் ?

யோசனைகள் வரவேற்க்கப்படுகின்றன..

ஜீன்ஸ் thereapy

இதுவரை சலவை என்றால் என்னவென்றே அறியாத , ஏழு கழுதை வயசான ஒரு ஜீன்சை துவக்க எடுத்தப்போது என்னைக்கோ வைத்த சில பல சில்லறை காசுகள் பாக்கெட்டில் கிடைத்தது 

இதுபோல கிடைக்கும் காசெல்லாம் பூட்டன் பம்பர் குலுக்கல் லாட்டரி போல. பாதி மாசத்திலேயே பிச்சைக்காரனாய் திரியும் எனக்கெல்லாம் இது மிகப்பெரிய காசு.

காசு எடுத்துகிட்டு "கடவுள் இருக்கிறான் கொமாரு " ன்னு சொல்லிகிட்டேன்.

அப்புறம் மெதுவா யோசிச்சா தான் தெரியுது " காசு வச்சது நான் தானே , கடவுள் இல்லையே ? " ன்னு ....

"நான் கடவுள் " ன்னு சொல்லிகிட்டேன்.

என்னது ஜீன்ஸா ??

அத அடுத்த வருஷம் துவச்சிக்கலாம் 

கில்லிடா !!!

ரொம்ப வருஷம் முன்னாடி நம்ம விஜய் நடிச்சிருந்த "கில்லி " படம் ரிலீஸ் ஆகிருந்த சமயம்... எங்க சொந்தகாரரு ஒருத்தர் அடம் பிடிச்சி என்னைய அந்த படத்துக்கு கூட்டிட்டு போனாரு...போகும்போதே நெறையா வார்னிங் குடுத்து தான் கூட்டிட்டு போனாரு ... " டேய் வாய மூடிகிட்டு வா , கிண்டல் கம்மெண்டு எதுவும் அடிக்காத ப்ளீஸ்.." ன்னு கெஞ்சி கூட்டிட்டு போனாரு... 
வாழக்கா பஜ்ஜி கேட்டேன் ..வாங்கி தர மாட்டேன்னு சொல்லிடாரு ..ஏற்கனவே புதிய கீதை ,உதயா மாதிரி படத்துக்கு எல்லாம் கூட்டிட்டு போய் என்னைய சாகடிச்ச கோபம் மனசுல இருந்துச்சி .
படத்துல விஜய் த்ரிஷாவ விஜய் கூட்டிட்டு எஸ்கேப் ஆகுற சீன் ல "அர்ஜுனரு வில்லு " பாட்டு வரும்..... அதுல விஜய் ஒரு எடத்துல ஜீப் டயர் தூக்கி ஏதோ செய்வாரு .. நான் அந்த சீனுக்கு விசில் அடிச்சி கைய தட்டுனேன் ....

""டே மாப்ள ....உனக்கு விஜய்னா அவளவு இஷ்டமா டா ??"" ன்னு ஆச்சரியமா கேட்டாரு...

அதெல்லாம் ஒரு வெண்ணையும் இல்ல... ரசிகன் படத்துல சங்கவி யா தூக்குறதுக்கு கஷ்டப்பட்ட தலைவரு இன்னைக்கு ஜீப்பையே தூக்குற அளவுக்கு முன்னேறி இருக்கிறது ரெம்ப சந்தோசமா இருக்குனு சத்தமா சொல்லிட்டு எழுந்து போனேன்...

அதுக்கப்புறம் விஜய் ரசிகர்கள் அவர ஏதோ "ஸ்பெஷல்" மரியாதை குடுத்து அனுபிச்சிருபாங்க போல...அதுக்கப்புறம் பேசுறதே இல்ல அவரு என்கிட்ட ..

நேத்தைக்கு facebook ல அவரு ப்ரொபைல் பாத்தேன்.. நல்ல இருக்கீங்களா மாம்ஸ் ? ன்னு பேசுனேன்...சந்தோஷமா பேசிகிட்டு இருந்தாரு ரொம்ப நேரம்.....
அப்புறமா " தலைவா " படத்துக்கு டிக்கெட் கிடச்சா சொல்லுங்க...சேர்ந்து போவோம்ன்னு சொன்னேன்....

இன்னைக்கு காலையில என்னைய ப்ளாக் பண்ணிட்டாரு....

Negative Thinking :

அது என்ன மந்திரமோ மாயமோ தெரியல எவன பாத்தாலும் positive thinking பத்தி கிளாஸ் எடுக்குறான். காலேஜ் ல ஆனா ஊனா personality development ன்னு சொல்லிக்கிட்டு Positive திங்கிங் என்ற வார்த்தைய வச்சி உயிர் எடுத்தானுங்க ( கூடவே பணத்தையும் ).

சும்மா எதாச்சும் இப்படி ஆகிட போகுதுன்னு எதிர்மறையா சொன்னா கூட நண்பர்கள் , "அபசகுனமா பேசாத," Positive வா யோசி மச்சி ன்னு சொல்றாங்க ..

ஆனா பாருங்க எனக்கு என்னவோ நெகடிவ் திங்கிங் என்ற விஷயம் சில சமயத்துல ரொம்பவே இம்ப்ரெஸ் பண்ணுது.
நெகடிவ் எப்போவுமே நெகடிவ் இல்ல...... நெகடிவ் விஷயத்துல கூட பாசிடிவ் தேடி எடுக்கிறது தான் ரியல் positive thinking.

நல்லதே நடக்கும் ன்னு நினைக்கிறது Positive திங்கிங் இல்ல... கெட்டது நடந்தாலும் அதுல கூட நல்லவிஷயம் தேடுறது தான் Positive திங்கிங்

ஒரு சின்ன உதாரணம் :

என்னவோ பண்ணி நம்ம ஆளுங்க ஏரோப்ளேன் கண்டு பிடிச்சிட்டாங்க.. விபத்து நடக்காது நடக்காது ன்னு எல்லர போல Positive திங்கிங் ல இருந்திருந்தா அவ்ளோதான்.

ஆனா எப்படியும் விபத்து நடக்க வாய்ப்பு இருக்கு ன்னு நெனச்ச ஒரு "நெகடிவ் திங்கிங் "புண்ணிவான் பண்ண யோசனை தான் ஏரோப்ளேன் ல parachute எடுத்துகிட்டு போக தூண்டி , இன்னைக்கு பல உயிரை காப்பாத்துது..

நெகடிவ் நல்லது 

தலைவா படம் ரிலீஸ் பிரச்சனை- ரசிகர் தற்கொலை

தலைவா படம் ரிலீஸ் பிரச்சனை- ரசிகர் தற்கொலை 

எத்தனையோ முறை பேசியாயிற்று . இருப்பினும் நம்மவர்கள் மாறியதாய் தெரியவில்லை. ஒரு சாதாரண செய்தியாய் இதை கடந்து சென்று விடுவது நமக்கு சுலபம். பெரிய புடிங்கி ரேஞ்சுக்கு எல்லாம் சொல்ல வரவில்லை . ஆனாலும் சொல்லாமல் விட்டால் வெட்கக்கேடு 

சினிமா பார்பவர்கள் மனதில் நிச்சியம் பாதிப்பை உண்டாக்குகிறது என்ற கருத்தில் எனக்கும் எள்ளளவும் மாற்றுக்கருத்து இல்லை. இப்படி சொன்னால் உடனே ஒரு க்ரூப் வாயில் கத்தியையும் , கீபோர்டில் கடப்பாறையை வைத்து " ரேப் சீனை , கொலை சீனை வேறு எப்படி காட்ட முடியும் ?...இது தான் உலக சினிமா, இது தான் யதார்த்த சினிமா " என்று பல வியாக்கியானங்கள் கூறுகிறது. சரி இருந்துவிட்டு போகட்டும்.. எந்த சினிமாவை இருந்தாலும் அது முழுக்க முழுக்க புனைவே என்ற எண்ணம் கொஞ்ச கொஞ்சமாய் மறக்கப்பட்டு வருகிறது என்று எண்ணத்தூண்டும் அளவிற்கு இங்கே கண்ணுக்கு தெரியாத சினிமா மோகம் வளர்க்கப்பட்டு வருகிறது.

பெரியதாய் சினிமாவில் என்ன இருக்கிறது இப்போது ?... ஒரு மயிரும் இல்லாத டிஜிட்டல் குப்பைகளாய் தான் சினிமா இருக்கிறது. பார்த்தோமா , போனோமா என்று இல்லாமல் அதை பற்றியே சுத்தி சுத்தி வருமளவிற்கு அதற்க்கு குடுக்கப்படும் முக்கியத்துவம் தான் "சினிமா என்றால் வாழ்க்கை" என்று ஒரு கேடுகெட்ட மாயையை இங்கே நிலை நிறுத்துகிறது.

இங்கே பழைய லியோனி பட்டிமன்றம் போல் " பழைய சினிமாவா ? புதிய சினிமாவா ?....எது சிறந்தது ?? " என்ற pointless விவாதத்துக்கு எல்லாம் செல்லவில்லை. ஆனால் ஒரு சினிமாவுக்காக அந்த காலத்தில் தற்கொலை செய்தவர்கள் எல்லாம் கம்மி. ரசிகர்கள் இருந்திருப்பார்கள். ஆனால் தியேட்டரை கொளுத்துவேன், பஸ்ஸை எரிப்பேன் என்று கூறும் ரசிகர்கள் இருந்ததாக தெரியவில்லை. அவளவு கோவம் படம் ரிலீஸ் ஆகாவிட்டால்....!!

This is called Addiction arising out of adulation.( அவளவு கோவம் இருந்தால் அவர்கள் தமது ஆண்குறிகளை வெட்டிகொள்ளட்டுமே !!...யாருக்கும் நஷ்டமில்லை....பஸ் எரிவதை விட மிகவும் வலி தரும் விஷயம் அது . கார்க் பால் கிரிகெட் விளையாடுபவர்கள் இந்த கருத்தை ஒத்துக்கொள்வார்கள் )

பழைய காலத்து opening song கேட்டிருந்தால் அதில் ஒரு சமூக கருத்து இருக்கும். தனிமனித மேம்பாட்டை எடுத்துக்கூறும் வகையில் இருக்கும். திராவிட சிந்தனைகள் உச்சம் பெற்றிருந்த காலக்கட்டத்தில் வெளியான சினிமாக்களில் இந்த பிரதிபலிப்பை காணலாம்.

ஆனால் என் தலைமுறை சினிமா மக்களுக்கு என்ன வழங்கி இருக்கிறது பெரியதாக ?

ஒபெநிங் சாங் ...அதில் ஹீரோவை பற்றி ஒரு சுய புராணம் ( அதிலும் " புலி உறுமுது புலி உறுமுது....." " எரிமலை மீதேறி கொடி கட்டுவான் " எமனுக்கே தெரியாமல் பயம் காட்டுவான் " ..." வாறன் வாறன் வாறன் லே....கெட்டவன் ன்னு பேரெனக்கு ) இந்த ரீதியில் தான் இருக்கிறது....

நாம் வாழ யாரவேனும்னா எப்படி வேணுமா கொல்லலாம் .....இதுவும் ஒரு அற்புத கருத்து

ஒரு சாதாரண ஹீரோவை 10000 ஆட்களை அடிக்கும் அளவுக்கு சக்திவாய்ந்த ஒரு அவதாரமாய் காட்டுவது தான் இன்றைய சினிமா...( ஆனால் அந்த ஹீரோவால் அடுத்த நாள் கலையில் வரும் மல ஜலத்தை அடக்க முடியாது.....அப்புறம் என்ன மயிர் சூப்பர் ஹீரோவோ தெரியவில்லை )

இது இல்லையா....இருக்கவே இருக்கிறது காதல்.... சுதந்திரத்திற்கு பிறகு பல தியாகிகள் செத்து போய்விட்டார்கள்.....அவர்களை எல்லாம் மிஞ்சும் வகையில் நமது ஆட்களை காதல் தியாகிகளாய் மாற்றியது நமது அன்பான சினிமா ...

80 களில் டீ. ஆர். ஹீரோக்கள் செத்து செத்து காதலை வாழவைத்தார்கள்.

அப்புறம் இதயம் முரளி, விக்ரமன் ஹீரோ வகையறாக்கள்.

அப்புறம் மனநிலை பாதிப்படைந்த தனுஷ் போன்ற காதலர்கள் .

அடுத்தவன் காதலி, அடுத்தவன் காதலனை கைப்பற்றும் காதலர்கள் ...

மனைவி , கணவன்களை மாற்றிக்கோலும் காதல்...... எப்பா எப்பா...!!! எத்தனைகாதல் !!

ஒரு பெண்ணின் /ஆணின் அன்பை அடைய 3 மணி நேர போராட்டம் நடக்கும் சினிமாவில் நம்மவர்கள் அவர்களை தொலைத்தது தான் மிச்சம்..

கேட்டால் உடனே சினிமாவின் நல்ல விஷயங்களை பட்டியலிடும் ஜீவிகள் சொல்வதை ஒன்றிரண்டு ஒத்துக்கொள்ளலாம்.. ஆனால் அந்த நல்ல விஷயங்களுக்காக யாரவது தற்கொலை செய்து கொண்டார்களா என்று ஆராய்ந்தால் யாருமே தெரியவில்லை. ...

படம் ரிலீஸ் ஆகவில்லை....தற்கொலை...

ஹீரோ ஒரு மதத்தை தாக்கி பேசிவிட்டார்...ஆர்பாட்டம்..

ஹீரோவை எதிர்த்து வில்லி கால் மேல் கால் போட்டு உக்காந்தார்.....உடனே ஸ்க்ரீன் கிழிப்பு...நாற்காலிகள் அடித்து நொறுக்கம் ...

( லதாவிடம் ரஜினி அடியே வாங்கியதில்லை என்று நம்பும் கூட்டம் இது. விஜய் வீட்டு வேலை செய்யும் நேரத்தில் கூட " ஏய் ஏய் ஏய் ஏய்.... நான் பெருக்குனா மாசு டி." என்று சங்கீதாவிடம் சவடால் விடுவார் என்று நம்பும் கூட்டம் இது... அஜித் கழிவறைக்கு கூட raymonds கோட்டு போட்டு தான் போவார். நைட்டு 12 மணிக்கும் Rayban cooling க்ளாஸ் போட்டு தான் வருவார் என்று நம்பும் கூடம் இது )

இதை தானா சாதித்தது நம் சினிமா ?

" குருணை , சாகுபடி, களர் நிலம், நன்செய், புன்செய், கேணி, இலைசுருட்டி புழு, மடை மாறுதல் , " இந்த வார்த்தைகளுக்கு என்னுடன் இருக்கும் நண்பர்களுக்கே தெரியவில்லை.

தினமும் தின்னும் நெல் வளர எதனை மாசம் ஆகும் என்று தெரியவில்லை...அவளவு ஏன் ஆய்த எழுத்து தெரியுமா என்றால் " சூர்யா படம் " என்று பதில் வருகிறது..

All entertainments and fantasy are justifiable ... But not at the expense of one's common sense .

பெண்களின் மெகா சீரியல் மோகம் குறித்து 1000 பக்கத்துக்கு எழுதலாம்.

சினிமா, சீரியல் போன்ற இன்னபிற புனைவுகளை நிஜம் என்று கொண்டாடும் , அல்லது பொய் என்று தெரிந்தும் அதிலே உழலும் ஒரு மலட்டு சமூகமாய் மாறிவருகிறோம் என்பது மட்டும் திண்ணம்.

நிஜத்தில் நடக்கும் விளையாட்டுக்கு நாளிதழில் இறுதி பக்கத்தையும், சினிமாவுக்கு முதல் பக்கத்தையும் ஒதுக்கியது தான் நாம் நிஜத்திற்கு குடுக்கும் மதிப்பு....சொல்லவே எட்கமாய் இருக்கிறது.

மோகம் மோகம்...சினிமா மோகம்...!! இவளவு ஏன்....சினிமா தற்கொலைகளை சாடி எழுதும் பாதி பேருக்கு "விதர்பா தற்கொலைகள் " தெரியுமா என்றால் இல்லை.. சாடி எழுதுவதற்கும் கூட சினிமாவை தவிர்த்து வெளியவே வர இயலாத சூழலில் நம்மை நாமே தள்ளிக்கொண்டோம் என்றால் அது மிகை இல்லை.

சோறு என்பதை சாதம் /white ரைஸ் என்றும், தின்பது என்பதை " சாப்பிடு " என்றும் கூறுவதை நாகரீக வளர்ச்சி என்று நாம் எண்ணினால் , நமது சமூகம் எங்கே போய்க்கொண்டு இருக்கிறது என்று சிந்திக்கும் சூழலில் இருக்கிறோம் ...

விவசாயம் மறந்த, infalation என்ற வார்த்தைக்கு அர்த்தம் தெரியாத, GDP என்றால் என்னவென்று அறியாத , Annual, biennial, perennial என்றால் என்னவென்று அறியாத, ஒரு கேடுகெட்ட கூட்டமாய் நாமே மாரிவருகிரோமோ என்று எண்ண வைக்கின்றன இந்த தற்கொலைகள்.

இவ்வகை தற்கொலைகள் ஒரு தனிமனித மரணம் அல்ல.. Its a death of common sense and sensibility of our society.


சினிமாவை தாண்டி மக்களை சிந்திக்க வைக்கும் விஷயங்களை முடிந்தவரை மக்களிடம் கொண்ட சேர தயாராய் இருங்கள் .

மீண்டும் பழைய சுயமரியாதை கொள்கைகளை கையிலெடுக்கும் நேரம் இது.

கழிவறை சமதர்மம்

Norway பயணம் நல்லமுறையில் முடித்து திரும்பி வந்தாச்சு. எக்கச்சக்க ஊர்கள் ..அடுத்து ஒருவாரம் நண்பர்கள் கழுவி கழுவி ஊற்றும் அளவிற்கு போட்டோக்கள். எந்த வித சண்டை சச்சரவும் இல்லாமல் நானும் நிம்மதியாய் இருந்தேன். நான் இல்லாமல் facebook க்கும் நிம்மதியாய் தான் இருந்திருக்கும்...

அதை பற்றி எல்லாம் பிறகு பேசலாம். அதற்க்கு முன் ஒரு "முக்கிய " விஷயம்.

நார்வே போன நேரம் மழைக்காலம் ஆதலால் எக்கச்சக்கமாய் நனைந்தேன். விஷயம் அதுவல்ல.."உச்சா " போகும் விஷயதில் நம்ம ஊர் போல வெளி நாடுகளில் சுதந்திரம் இல்லை. அதுவும் சுதந்திர தினம் அன்று அந்த சுதந்திரத்தையும் பறி குடுத்து toilet தேடி அலைந்தது மிகவும் கஷ்டமாய் இருந்தது.

சுகாதாரம் நல்ல விஷயம் தான் என்றாலும் அவசரத்திற்கு toilet ஓடி அலைபவனுக்கு ஒவ்வொரு நொடியும் ஒரு யுகம் அளவிற்கு நீண்டதாய் இருக்கும் என்பது திண்ணம்.

எத்தனையோ முறை சென்னை டூ மதுரை SETC பஸ்ஸில் செல்கையில் , கூறுகெட்ட விக்கிவாண்டி மோட்டல் அல்லது கேவலமான தொழுதூர் மோட்டல் இரண்டில் ஏதோ ஒன்றில் தான் நிறுத்துவான். . ரீமிக்ஸ் பாடல்கள் காதை பதம் பார்க்கும் நேரத்தில் சாவகாசமாய் இறங்கி , காலாற நடந்து "உச்சா " போய்விட்டு வருவேன். அந்த நேரத்தில் சரியான கழிவறை இல்லாதலால் பெண்கள் இறங்காமல் ஒருவித கஷ்டத்துடன் இருப்பதை பார்த்திருக்கிறேன்.

அங்கு மட்டுமல்ல, ஏனைய இடங்களில் ஆண்களுக்கு இந்த விஷயத்தில் இருக்கும் ஒருவித Biological Advantage பெண்களுக்கு இல்லை. நினைத்த மாத்திரத்தில் ஏதோ ஒரு சுவரையோ, transformer ரையோ தேர்தெடுத்து நீரால் A, B, C ,D என்று எழுதி விளையாடும் வசதி ஆண்களுக்கு இருக்கிறது.

ஆனால் ஒழுங்கான கழிவறை வசதிகள் பெண்களுக்கு என்று தனியாக இல்லாத காரணத்தால் மன உளைச்சலுக்கு உள்ளாகும் பெண்கள் ஏராளம். எனக்கு வேண்டிய சில தோழிகள் இரவு பயணத்தின் போது நீரே அருந்தாமல் எல்லாம் சென்று பழகி பின்னாளில் கிட்னி ப்ராப்ளம் வந்து அவதிப்பட்டுள்ளனர். அதிலும் 2 தோசை, 2 பரோட்டா எல்லாம் சாபிட்டும் தண்ணீரே குடிக்காமல் இருந்தால் என்ன ஆகும் என்று நினைக்கும்போதே விக்கல் வருகிறது.

இது எல்லாம் எனக்கு முன்பே தெரியாமல் இல்லை. ஆனால் வெறும் காதளவில் கேட்டு உள்வாங்கிகொண்டதோடு சரி. 4 நாளைக்கு எங்காவது ஒரு Toilet கிடைக்காதா ? என் பாரத்தை இரக்க எல்லாம் வல்ல அந்த ஆண்டவன் உதவி செய்ய மாட்டானா என்று ஏங்கி அலைந்த நேரம் அதிகம். ஒரு நாலு நாள் நான் ஒரு சராசரி தமிழ் நாட்டு பெண் படும் அவதி என்பது எப்படி இருக்கும் என்பதை அனுபவபூர்வமாக உணர்தேன்.

ஆண்களிடம் கோருவது கோருவது சில விஷயங்கள் தான்.

1. பேருந்தில் நீங்கள் பயணம் செய்தால் , கூச்சமே படமால் கண்டக்டரிடம் "உச்சா " போகணும் வண்டியை நிறுத்தவும் என்று உரிமையுடம் கூறுங்கள். உங்களுக்கு பயன் இல்லாவிடிலும் கூடவே பயணம் செய்யும் Sugar Patients அல்லது கேட்க கூச்சப்படும் பெண்களுக்கு பயனுள்ளதாய் இருக்கும்.

2. ஊரான் வீட்டு கழிவறை, பொது கழிப்பிடம் என்று எதுவாய் இருந்தாலும் சுத்தமாய் வைத்துக்கொள்ளுங்கள் . சுத்தமில்லாத கழிவறைக்கு உங்கள் சகோதரியோ அல்லாதோ என் அன்னையோ நிச்சியம் போக மாட்டார்.

3. கழிவறையில் சிகரெட் பிடிக்கும் , குவாட்டர் அடிக்கும் நாய்களை பார்த்தல் பாரபட்சமே பார்க்காமல் செவுளில் ரெண்டு அப்பு அப்புங்கள் ...

4. பபுள் கம் துப்புவதற்கு கழிவறைகள் ஏற்ற இடமல்ல.

5. ஊதுபத்தி விற்கும், சோப்பு விற்கும் பெண்கள் வீட்டிற்கு வந்தால் அவர்களுக்கு உங்கள் கழிவறையை உபயோகபடுத்த initiate செய்யுங்கள். ( பல நேரங்களில் காபி கூட குடிக்காமல் கழிவறைக்காக மட்டுமே கூட நாம் ஓட்டலுக்கு சென்றிருப்போம். உங்கள் இடத்தில வைத்து அவர்களை யோசியிங்கள் )

5. பெண்களுக்காக போராடுவதாய் சொல்லி"கொல்பவர்கள் " முதலில் இந்த கழிவறை விஷயத்தை அணுகினால் நல்லது. தண்ணீர் அருந்தாமல் பயணம் செய்யும் விஷயம் எவ்வளவு ஆபத்தானது என்று குழந்தைகளுக்கு கூறுங்கள்.

இறுதியாக ஒன்று...முக்கியமாய் பெண்களுக்கு :

நம் சமூகத்தில் மூன்றாம் பாலினரும் இருக்கின்றனர். .அச்சால்டாக நம்மால் அவர்களை " ஒம்போது , அலி " என்று பகடி செய்துவிட்டு சென்றுவிட முடிகிறது. ஆனால் அவர்கள் ஆண் கழிவறை, பெண் கழிவறை என்று எங்கு அங்கே நிலவும் ஒருவித காழ்ப்புணர்ச்சி மிகவும் வலி மிகுந்தது. பெரும்பாலும் அவர்கள் எதிர்மறையாய் நடந்து கொள்கிறார்கள், தொல்லை தருகிறார்கள் என்ற குற்றச்சாட்டின் ஆணி வேர் இந்த toilet politicsசும் ஒரு காரணமாய் இருக்கலாம் என்று என் எண்ணம். எனவே மூன்றாம் பாலினருக்கும் நீங்கள் பயன் படுத்தும் கழிவறையில் சம உரிமை, சம தர்மம் அளியுங்கள்.

கற்பழித்து கொல்லப்பட்ட டெல்லி பெண், ஈழத்து இசைபிரியாவிர்க்கு குரல் குடுத்தால் தான் நீங்கள் போராளி என்று அர்த்தமல்ல.. பெண்களுக்கு , மூன்றாம் பாலினருக்கும் கழிவறையில் ஒரு முகசுளிப்பு ஏதுமின்றி நீங்கள் அனுமதிக்கும் அந்த நல்ல உள்ளப்பாங்கு 1000 போராளிகளை விட வலிமையானது.

சமூக முன்னேற்றம் கழிவறை சுத்தத்தில் இருந்து தான் தொடங்குகிறது.

சமதர்மம் , அதை ஆண் , பெண், மூன்றாம் பாலினர் என்று எந்த பாரபட்சமும் பார்க்காமல் அன்போடு அனுமதிப்பதில் தான் தொடங்குகிறது.

சென்னை எக்ஸ்ப்ரெஸ்சும் சேட்டு தமிழும்

சென்னை எக்ஸ்பிரஸ் படம் பார்த்திட்டு " ஏன்டா தமிழன் னா அவ்ளோ இளக்காரமா ??. எல்லா தமிழனும் விபூதியும் குங்குமமும் வச்சிக்கிட்டு , ஜடா முடி வளர்த்துகிட்டா டா தெரியிரானுங்க ? "ன்னு பொங்கி எழலாம்ன்னு பார்த்தேன்...

ஆனா மனசாட்சி ஒரு சேட்டு மனசாட்சியா ஒரு காண நேரம் மாறி எதிர் கேள்வி கேக்குது .

கிட்டத்தட்ட எல்லா படத்துலயும் சேட்டு எல்லாரையும் நாம ஒரு காமெடி பீசா தான் காட்டுறோம். சேட்டுனாலே பாணி பூரி, பாண் மசாலா, அடகு கடை, நம்பள் நிம்பல் ன்னு பேசுற கொச்சை தமிழ் பேச்சு அப்படின்னு ஒரு கேளிக்கை பொருளா தான் காமிசிருக்கோம் .

சேட்டுங்கள மட்டுமா ?

ஆந்திரா அழகிகள் ன்னு விபச்சாரத்தை காட்டுறது ( "நான் காக்கிநாடா கட்ட " பாடல்- சிதனை செய் படம், தொத்தாபுறம் பாடல் முழுக்க தெலுகு பாடலாக வரலாறு படத்தில் )

கேரளா பொண்ணுங்க, மலையாள படம் ன்னு பிட்டு படத்துக்கு கேரளாவா யுஸ் பண்ணுறது , ( தாராளமா மனசிருந்தா கேரளான்னு தெரிஞ்சிக்கோ - ரன் படத்தில், அப்புறம் ஷக்கீலா சேச்சி வகையறா காம நெடி காமடிகள் )

நார்த் இந்தியன் பொண்ணு ஈசியா மடிஞ்சிடும் , நார்த் இந்தியன் ஆம்பளைங்க எல்லாம் ஆம்பள மாதிரி இருக்க மாட்டங்க இப்படி சொல்லுறது ( 7 G ரெயின்போ காலனி முதல் இப்போதைய சொன்ன புரியாது சேட்டு பொண்ணுங்க காமெடி வரை )

தெலுகு ஆட்கள கொலுடி ன்னு சொல்லுறது , ( பஞ்சதந்திரம் )

இவளவு ஏன் ,

நாம் தமிழ் நாட்டு ஐய்யர் வீட்டு மாமிகளை கொச்சையா காட்டுறது ,(பவுனு பவுனு தான் படம் ஐஸ்ஸ்க்ரூட் அய்யர் முதல் சிலம்பாட்டம் படம் , யாரடி நீ மோகினி படம் வரை )

நரிக்குறவர்களை காமெடி பீசா காட்டுறது, ( பல கவுண்டமணி வடிவேலு காமெடிகள் )

இப்படி ஒவ்வொரு ஊரு ஆட்கள், ஒவ்வொரு பிரிவினரையும் வச்சி ரொம்ப வருஷம் வகை வகையா காமெடி பண்ணிட்டு இன்னைக்கு அதையே மாதிரி வட நாட்டு ஆட்கள் பண்ணுறத திட்டுறது சரியா ன்னு என் மனசாட்சி என்னையவே கேள்வி கேக்குது.

அவனுங்க நம்மள அப்படி காட்டுறது தப்பு தான். ஆனா அதே தப்ப தான் நாம பல வருஷமா பண்ணிக்கிட்டு இருக்கோம். நம்ம மேல முதல்ல துப்பிகிட்டு அப்புறம் அவனுங்கள துப்புடான்னு இந்த பாழா போன மனசாட்சி சொல்லுது .

நம்ம ஆட்கள முதல்ல திட்டிகிட்டு அப்புறம் அவனுங்க மேல பாய்வோம்.

இல்லாட்டி நம்ம ஆட்கள் பண்ணது வெறும் காமெடி ன்னு நெனச்சிகிட்ட மாதிரி அதையும் காமெடின்னு நெனச்சிகிட்டு போய்டுவோம்

"பாண் மசாலா = சேட்டு "ன்னு டெம்ப்ளேட்ட இருக்கிறவரை

"விபுதி ,சடாமுடி = தமிழன் "

என்ற டெம்ப்ளேட்ட திட்டுற அருகதை நமக்கு இல்லை.

ஒரு சேஞ்சுக்கு கமல் டையலாக்க உல்ட்டா அடிப்போம் .

"முதல்ல நாம விட்ருவோம் , அப்புறம் அவனுங்கள விட சொல்லுவோம்."

தமிழனுக்காக மட்டும் பொங்குறவன் தமிழன் இல்ல,

சேட்டுகாகவும், கேரளாக்காரன், ஆந்தராகாரனுக்கும் வக்காலத்து வாங்குறவன் தான் லே தமிழன்.

நான் சொல்றது நிம்பள்க்கி புர்தா ? இல்லாட்டி இவன் வேர் ஒரு பாஷையிலே சொல்றான் !!! டீக் ஹை ??

//பை தி வே , சென்னை எக்ச்ப்ரெஸ் ல படுக்கோன் அழகா இருந்தாங்க.....படம் ஒரு திராபை. காட்டு மொக்கை //

முத்தம்

முத்தம் இருதையபூர்வமானது ..

அடக்கி , அமுக்கி புதைத்துவைக்கப்பட்ட காமத்திற்கு வேண்டுமானால் முத்தம் ஒரு வடிகாலாய் இருக்கலாம்....

ஈடுபாட்டுடன், காதலுடன் செய்யயும் காமம் கூட முத்தம் போல் இருதையப்பூர்வமான செயலாக இருக்கும் ... 

முத்தம் என்றாலே ஆண் பெண்ணுக்கோ , அல்லது பெண் ஆணுக்கோ கொடுக்கும் ஒரு நிகழ்வாய் ஆக்கிவிட்டதில் சினிமாவின் பங்கு மொக்கையான ஒன்று.... ஒரே பாலினர் பரிமாறிக்கொள்ளும் முத்தம் ஒரு பகடி நிகழ்வாக சில சினிமாக்கள் மாற்றிவிட்டன என்றால் அது மிகையில்லை.

முத்தம் குடுக்கையில் கிளு கிளு என்று பூங்கொத்தை ஆட்டுவது....வயலின் அல்லது குருவிகளின் ரீங்கார இசை Background டில் ஓடவிடுவது என்று முத்தத்தை ஒரு Big Bang theory போல் காட்டுவதில் சினிமா பெரும்பங்கு வகிக்கிறது .

ஒரு பர்சனல் அனுபவம் :

UK வில் இருந்த சமயத்தில் சில Hookers (பாலியல் தொழிலாளிகள் ) சிலர் எனக்கு நண்பர்களாய் இருந்திருக்கின்றனர்.அவர்களில் ஒருவருடனான உரையாடலின் போது ஒன்று கேட்டேன் .

"எல்லாவற்றையும் மற்ற ஆடவர்களுடன் பகிர்ந்துகொண்டப்பின் உங்கள் கணவர்களுக்கு குடுக்க என்ன இருக்கிறது ? " என்று.. (என்ன ஒரு ஆணாதிக்கம் எனக்கு அப்போது ?? )

அதற்க்கு அவர் சொன்ன பதில் " முத்தம் ..." "முத்தம் ஆத்மார்த்தமானது.."
அவரைவிட வேறு யாரு முத்தம் குறித்து கூறினாலும் சீரியசாய் எடுத்திருக்கவே மாட்டேன். காமத்தை கூட ஆத்மார்த்தமாய் பார்க்க கற்றுக்கொண்ட தருணம் அந்த சந்திப்பு.

Lip Kiss ஐ ,Mouth Kiss என்றே விளிக்கும் நம் ஆட்களிடம் எப்படி சொல்வது ??
மகள்களை பெற்ற அப்பாக்களின் முத்தம் மட்டுமல்ல, எந்த முத்தமும் காமத்தில் சேரவே சேராது என்பதை ....

சட்டுபுட்டுனு ஒரு கதை - 6---Online piracy

Online piracy

வெற்றிகரமாய் தான் இயக்கி சமீபத்தில் வெளிவந்த அந்த படத்தின் திருட்டு பிரிண்ட் இன்டர்நெட்டில் வெளியாகி இருந்ததை கண்டு பொங்கிக்கொண்டு இருந்தார் எதார்த்த சினிமா டைரெக்டர் .

ஒல்லிபிச்சான் நடிகர் வேறு இதை பெரியதாக கண்டுகொள்ளததால் எரிச்சலாய் இருந்தார்.

"ஒரு டைரக்டரின் உழைப்பை, தயாரிப்பாளரின் ரத்தத்தை உறிஞ்சும் online piracy யை ஒழிக்கவேண்டும் ".....இப்படி எல்லாம் tweet ரெடி பண்ணி வைத்துவிட்டார்.

கம்பியூட்டர் சிணுங்கியது

"Your anti-virus database is too old"

" யோவ் அஸ்சிஸ்டெண்டு !!... Anti-virus install பண்ண சொல்லி சொன்னேன் ல , இன்னும் பண்ணலையா ??...அந்த Torrent சைட் ல இருந்து இன்னும் Download ஆகலையா என்ன ??". என கத்தினார் டைரெக்டர்

சட்டு புட்டுன்னு ஒரு கதை - 8

கார்னர் சீட் எதார்த்த சினிமா :-

லவ்வரிடம் கெஞ்சிக்கொண்டு இருந்தான் அவன்.

"ஹே ப்ளீஸ் பா ..சூப்பர் படம் ...மிஸ் பண்ண கூடாது ...இந்த படத்துக்கு இன்னைக்கு போலாம். மாட்டேன்னு மட்டும் சொல்லாத ..."

அப்படி என்ன டா நல்ல படம் ?

"இது ஒரு எதார்த்த சினிமா. இரானியமொழி படம், கிம் கி டுக், மார்டின் ஸ்கார்செசே படம் மாதிரி ஒரு டிப்பெரென்ட் ஸ்டைல் ல எடுத்த படம்.. தமிழ் ல இப்படி ஒரு படம் வர்றது அபூர்வம்...
இந்த சான்ஸ் மிஸ் பண்ணா கிடைக்கவே கிடைக்காது...ப்ளீஸ் வாயேன். நம்ம லவ் ஓகே ஆனதுக்கு அப்புறம் நாம போக போற பர்ஸ்டு படம் வேற ."

"என்னவோ சொல்ற....சரி டிக்கெட் புக் பண்ணிட்டியா ?"

"ஹ்ம்ம். கடைசி ரோ , Corner சீட் வாங்கிட்டேன்."

வண்டியை வேகமாக உதைத்து , கூட்டமே இல்லாத எதார்த்த சினிமா தியேட்டருக்கு கிளம்பினான் அந்த உன்னத சினிமா ரசிகன் 

போலி தமிழ்தேசியவாதிகள் ஏன் எதிர்க்கப்பட வேண்டியவர்கள் ?

தமிழில் இருந்து தான் தங்கள் மொழிகள் திரிந்து வந்தன என்ற உண்மை நம்மைவிட மற்ற திராவிட மொழிக்காரர்களுக்கு நன்றாக தெரியும்...அதனால் தான் அவர்கள் தமிழை ஏற்றுக்கொள்ள மறுக்கிறார்கள்.

மொழியை ஒரு ஆயுதமாய் வைத்து மக்களை வசப்படுத்தும் வேலையை செவ்வனே அந்த மாநிலங்களின் அரசியல் கட்சிகள் செய்துவருகின்றன.. இங்கே தமிழ்தேசியம் என்று பேசிப்பேசி பிற மாநில மக்களை வெறுக்க வைக்கும் சில கட்சிகளைப்போல் என்றோ பல கட்சிகள் அண்டை மாநிலங்களில் வந்துவிட்டன.

திராவிட சிந்தனைகளுக்கு பிற திராவிடமொழிகளின்மேல் அந்த tolerence level அதிகம். ஒரு தெலுங்கரை, கன்னடரை நாம் மொழி பாகுபாடு இன்றி நடிகராகவோ, அரசியல் தலைவராகவோ ஏற்றுக்கொள்ள திராவிட சிந்தனைகள் தந்த பக்குவம் தான் காரணம்.

இப்போது உள்ளது போல் தமிழ் தேசியம் எல்லாம் பேசி திரிந்தால் ஒரு கன்னட வெறியரை, தெலுகு வெறியரை நினைக்கையில் என்ன உணர்வு நமக்கு வருகிறதோ அதே ஒரு உணர்வு தான் தமிழனை பார்த்து மற்ற மொழிக்காரர்களுக்கும் வரும்.

துரதிஷ்டவசமாக இங்கே தமிழ் தேசியம் பேசும் கட்சிகாரர்கள் ஈழ ஆதரவாளர்களாக இருக்கின்றனர். மற்ற மொழிக்காரர்களை ஏற்க் மாட்டோம் என்று கூறும் அதே கட்சிகள் தமிழருக்கு அரசியல் அதிகாரம் சரிவர வழங்காத இலங்கை அரசை கண்டிப்பது பெயர் தான் நகைமுரண் .

தமிழின் திரிபு மொழிகள் தான் ஏனைய திராவிட மொழிகள் என்பதில் ஐயமே இல்லை எனினும் அண்ணன் அசோக் கூறியது போல் அதை ஒத்துக்கொள்ள அவர்கள் மனம் இடம் குடுக்காது...

மொழியை ஒரு ஆயுதமாய் பயன்படுத்தி இன்றைய போலி தமிழ்தேசியவாதிகள் செய்யும் சுயநல அரசியல் களைவது என்பது மிக அவசியம்.

நம்மிலிருந்து பிரிந்தவர்கள் என்ற எண்ணம் நம்மோடு இருப்பதால் தான் வட நாட்டுகாரர்களிடம் வராத ஒரு அன்னியோன்யம் தெலுங்கர், கன்னடர், மலையாளிகளை பார்த்தால் நமக்கு வருகிறது. திராவிடம் என்ற சமத்துவத்தை போலிகள் மறுதலிக்க இதுவே காரணம். எதையாவது செய்து புரட்சி என்ற பெயரில் ஒரு பதற்ற நிலவரம் வேண்டும் அவர்களுக்கு. ஓட்டரசியலின் கேவலமான முகம் இது தான்.

மொழியை வைத்து பாகுபாடு காட்டிப்பிரிந்த இன்னொரு பிரதேசம் பாஸ்க் பிரதேசம் .(Basque country ) ஸ்பெயின் நாட்டின் ஒரு பகுதியாய் இருந்தாலும் அவர்களுடன் ஒத்துப்போகாத ஒரு மனோபாவம் அவர்களுக்கு இருப்பதால் பாஸ்க் பிரதேசம் என்றாலே ஒரு தீவிரவாதிகள் நிறைந்த பிரதேசம் என்ற பிம்பம் ஐரோப்பிய மக்களுக்கு பெரிதும் உண்டு. ஒரு ஸ்பானிஷ் மனிதனுக்கு கிடைக்கும் மரியாதை பாஸ்க் பிரதேசத்தில் இருந்து வரும் ஒருவனுக்கு கிடைக்கவே கிடைக்காது எளிதில்.

இத்தகைய மொழி ரீதியிலான ஆயுதத்தை இந்த போலி தமிழ்தேசியவாதிகள் எடுத்து செயல்படுவது தமிழ் சூழலுக்கு மிக ஆபத்தானது. ( போன வருடம் தமிழ்நாட்டுக்கு வந்த புத்த பிட்சுக்களை தாக்கி தங்களுடைய தமிழ்பற்றை அந்த போலி தமிழ் தேசியவாதிகள் நிலைநாட்டினர் என்பது நினைவில் கொள்ளலாம் ).

இந்த "வந்தேறிகள் " என்ற வார்த்தையை வைத்துக்கொண்டு பிரிவரசியல் நிகழ்த்தும் மாய பிம்பம் தான் இந்த தனித்தமிழ் தேசியம் எல்லாம். எதிர்க்க எதுவுமே இல்லாத காரணத்தால் தான் உருப்படியான ஒன்றாக இருக்கும் திராவிட சிந்தனைகளை எல்லாம் எதிர்க்க துணிகிறது இந்த போலி தமிழ் தேசியம் .எதுவுமே இல்லாத காலத்தில் பெரிய ஆளாய் உருவெடுக்க ஹிட்லர் aryan superiority கொள்கையை கையிலெடுத்ததைபோல் தான் இந்த தமிழ் தேசியவாதிகளும் இறங்கியுள்ளார்கள்.

ஆரியத்தை , சாதியத்தை எதிர்ப்பதைவிட இத்தகைய போலி தமிழ் தேசியவாதிகள் நிகழ்த்தும் இந்த நூதன தீவிரவாதத்தை எதிர்ப்பது தமிழர் என்ற முறையில் மிக அவசியமாகிறது .

தூக்கு

ஏதோ நாங்க எல்லாம் ரத்தவெறி பிடிச்சி அலையிற மாதிரி சிலர் சொல்றாங்க..
எந்த தண்டனைக்கு இல்லாட்டியும் இந்த ரேப் க்கு தூக்கு தண்டனை வேணும் என்பது என்னோட விருப்பம்.

உயிர்கொலை அது இது ன்னு சொல்லுற ஆட்கள் சில கேள்விகளுக்கு மட்டும் பதில் சொல்லுங்க . பிடிக்காதவங்க ப்ளாக் பண்ணிடுங்க 

1. இந்திய ராணுவம் வேறு ஒரு நாட்டின் மீது போர்தொடுக்கும் நேரங்களில் எல்லாம் எக்கச்சக்க அண்டை நாட்டு வீரர்கள் சாவார்கள்.. அவர்களில் எவனும் ரேப், கொள்ளை போன்ற குற்றங்களில் ஈடுபட்டது கிடையாது ..அப்போது உயிரின் மதிப்பு குறித்து உங்கள் நல்ல எண்ணங்கள் எல்லாம் எங்கே போனது ?...உயிர் என்றால் எல்லாமே ஒன்னுதானே ?..அப்போது நீங்கள் இராணுவமே கூடாது என்று சொல்ல துணிவீர்களா ??

அண்டை நாட்டுக்காரன் நல்லவனாய் இருந்து செத்தாலும் பரவா இல்லை, ஆனால் சொந்த நாட்டில் அயோக்கியத்தனம் பண்ணிய பொறம்போக்கு பாடுகள் சாவதில் தான் கருணை உணர்வு அழிக்கப்பட்டுவிட போகிறதா ?

2. "எப்படியும் தூக்கு தண்டனை கிடையாது. ஒரு 18 வருஷம் வச்சிருந்துட்டு விட்ருவாங்க ".. இந்த ஒரு எண்ண ஓட்டம் இருப்பதனால் தான் சில பொறம்போக்குகள் " ஜாதிக்காக அவன வெட்டிட்டு நான் போவேண்டா ஜெயிலுக்கு " என்று வீர வாசன் மயிரு வசனம் எல்லாம் பேசிகிட்டு திரியுதுகள்...தூக்கு தண்டனை என்று ஒன்று இருந்தால் இந்த நாய்கள் இப்படி பேசுமா ?...தங்கள் கருத்து என்ன ?

3. சரி, ரேப் பண்ண நாய்களை ( நாய்கள் சமுதாயம் என்னை மன்னிக்கவும் ) வெளியே விட்டுட்டோம் . அல்லது மன்னிப்பு குடுக்காம ஆயுள் தண்டனை குடுக்குறோம்னு வச்சிப்போம்.. வெளிய வர்றவன் என்ன மகாத்மாவா மாறி தான் வர்றான என்ன ?. ஒரு வக்கிரமான மனதை , கொலை செய்ய துணியும் மனதை எல்லாம் அன்பால் திருத்தி 4 std Moral Science கிளாஸ் எடுக்க யார் வருவார்கள் ?.
அந்த நாய்களை உங்கள் வீட்டில் ஒரு மகனாகவோ, அல்லது மருமகனாகவோ ஏற்றுக்கொள்ள எத்தனைபேர் தயார் ?... பெண் குழந்தை உள்ளவர்கள் பதிலளிக்கலாம்.

4. "கொல்லுவதால் எந்த நிலைமையும் மாறப்போவது இல்லை "

ரொம்பவே கடுப்பேத்தும் வசனம் இது தான். ..நன்றாக யோசித்துப் பாருங்கள்...ஒரு கற்பழிப்பு சம்பவம் நடந்த பின் " சனி பொணம் தனியா போகாது " என்ற கதை போல் தொடர்ச்சியாக பல கற்பழிப்பு, பாலியல் கொலைகள் நடக்கும்.. காரணம் என்ன ?...இந்த மயிரான் எல்லாம் செய்யுற வேலைக்கு பின்னாடி ஒரு வித Guilt Pleasure இருக்கிறது..ஏதோ யாருமே செய்யாத தவறை நான் செய்கிறோம் ன்னு ஒவ்வொரு ரேப்பிச்ட்டுகளையும் பெருமையாக பீல் பண்ண வைக்கும் கொடூர மன உணர்வு. எங்கோ நடக்கும் ஒரு பரபரப்புக்கு நாம் காரணமாய் இருக்கிறோம் ன்னு அந்த ஆட்களை நினைக்க வைக்கும் ஒரு மனநிலை.

ஒரே ஒருவாட்டி கொன்னு பாருங்க... பரதேசி நாய்ங்க பொச்ச சாத்திக்கிட்டு கம்முனு இருக்கும்.

அன்பால சாதிக்க முடியாத சில விஷயங்களை பயம் சாதிக்கும்.

5. ஒரு காம்பவுண்டு சுவர் பிரச்சனைக்கு , 500 ரூபா குடுக்கல் வாங்கல் பிரச்சனைக்கு எல்லாம் நம்மளால பக்கத்துக்கு வீடுகாரன்கிட்டயோ அல்லது சொந்தகாரன்கிட்டயோ பகமை. பாராட்ட முடியுது....ஆனா தப்பு பண்ணவன் கிட்ட மட்டும் நாங்கள் அன்பை காட்டுவோம், அவனுக்கு லா லா லா ன்னு விக்ரமன் பாட்டு பாடி அவனை திருத்துவோம் ன்னு சொல்றது காமெடியா தெரியலையா ?....எல்லாருமே பல்லாண்டு வாழ்க படத்து எம். ஜி.ஆர் இல்லையே.....

6. இவ்ளோ பேசுற ஆட்கள், ஏன் நரகாசூர வதம் , ராவண வதத்தை எல்லாம் கொண்டாடனும் ?..ராவணன் சீதைய ரேப் பண்ணிட்டதா கம்பராமாயணம் சொல்லுதா ?... ரேப்பே பண்ணாத ஒருத்தவனுக்கு உங்கள் கடவுள் குடுத்த தண்டனை சரியா ?... இப்போது மரண தண்டனையை மறுதளிக்கிரீர் என்றால் நீங்கள் ராமனை எதிர்ப்பவர் என்று எடுத்துக்கொள்ளலாமா ?...

7. கடசியா நான் கேக்குறது ஒன்னே ஒண்ணுதான்....புது இல்ல... " நான் சிவப்பு மனிதன் " படத்துல பாக்யராஜ் ஜட்ஜ் பொண்ண ரேப் பண்ணுற மாதிரி பாவலா காட்டுவார். அப்போது ஜட்ஜ் எடுக்கும் ஆயுதம் துப்பாக்கி...அப்போ பாக்யா சில நியாயங்களை எல்லாம் கேப்பார் ..அது எல்லாம் உங்களுக்கு தெரியும் என்று நெனைக்கிறேன்.

நான் கேட்க விரும்புவது ஒன்னே ஒன்னு தான்.. உங்கள் தாயோ, பாட்டியோ , 2 வயது குழந்தையோ உங்கள் கண்ணெதிரில் ஒரு 4 பேரால் வன்புணர்வு செய்யும்போது நீங்கள் எடுக்கு ஆயுதம் என்ன ?.

சட்டமா ?

வரவே வராத கடவுளா ?

இல்லை உங்கள் அருகில் கிடக்கும் உருட்டுக்கட்டையா ?

இதில் அதிசயமாய் இன்று சட்டமே உருட்டுக்கட்டையை எடுத்து இருக்கிறது. கரப்பான்பூச்சிகளை யார் அழித்தால் என்ன ?...சமூகம் சுத்தமானால் சரி தான்.

சட்டு புட்டுன்னு ஒரு கதை - 9

ஒரு எழுத்தாளனின் மடிக்கணினி திடீரென்று உயிர் பெற்று எழுதத் தொடங்கியது அந்த "சட்டு புட்டுன்னு ஒரு கதை - 9" யை ...
--------------------------------------------------------------------------------------------------
#I nclude <Stdio.h>
#define LAST 10
Void main ()

ஒருமுறை முயற்சித்த கணினி, தொடங்கிய கதை எழுதியது ,எழுதிடாத கதை யாரும் தான் வேண்டும் எழுத எண்ணியது என, வார்த்தைகள் மாறி மாறி ஆனால் வந்ததால் computer Generated கதை என்பது சாத்தியமில்லை நிப்பாட்டியது அதை உணர்ந்து 

return 0;
}

சட்டுபுட்டுனு ஒரு கதை 10

சட்டுபுட்டுனு ஒரு கதை 10 .

வேறு உலகம் :

இறந்தப்பின் வேறு உலகம் என்பது இல்லவே இல்லை என்று நிருபிக்க அந்த பிரபல எழுத்தாளர் தன்னை துப்பாக்கியால் சுட்டுக்கொண்டு இறந்து போனார்.

அவர் உடலை கிடத்திவைத்திருந்த அந்த குளிரூட்டப்பட்ட சவப்பெட்டியில் திடிரென்று ஒரு துண்டு பேப்பர் படபடத்தது ஆடியது .

அதிர்சியடைத்த உறவினர்கள் அதை பிரிக்கையில் 

" நான் ஜெயித்துவிட்டேன்.!! இறந்தபின் வேறு உலகம் என்பது இல்லை "

என்று மெல்லமாக,ஒவ்வொரு வார்த்தையாக அந்த எழுத்தாளரின் கையெழுத்தில் தோன்றத்தொடங்கியது