நண்பர்களுக்கு செய்வினை வைப்பது எப்படி .?

நண்பர்களுக்கு செய்வினை வைப்பது எப்படி .?

1. கருப்பு கூலிங் கிளாஸ் வாங்கி தரனும் . " தல தல" ன்னு தான் அவன கூப்டனும். 

2. "அவ உன்ன தாண்டா பாக்குறா !! " என்ற மந்திரத்தை அப்போ அப்போ சொல்லனும்.

3. காதல் என்றது ஒரு பபுள் கம் மாதிரி ஒட்டுனா எடுக்கிறது கஷ்டம் , மெள்ள மெள்ள இன்பம் ..காதல் பான்பராக் மாதிரி துப்புனாலும் சாயம் போகாது.. இந்த மாதிரி தத்துவம் சொல்லணும் .காதல் மேல ஒரு கான்பிடன்ஸ் கிரியேட் பண்ணனும்

4. நல்ல DSLR கேமரா வச்சி profile picture எடுத்து தரனும் . ப்ரொபைல் பிக்ச்சரா வச்சிகோடா ன்னு சொல்லனும்.

5. மச்சி உன் கேரக்டர் அப்படியே "ஜில்லுனு ஒரு காதல் " புட்பால் ப்ளேயர் சூர்யா மாதிரி Rough and Tough ஆ இருக்குனு சொல்லணும். நீ பேன்ட் குள்ள கைய்ய விட்டு நடந்தா சச்சின் படத்துல வர விஜய் மாதிரியே இருக்கனு சொல்லணும்.

6. Spelendor வாங்கலாம்னு இருக்கவன் கிட்ட "மாம்ஸ், உன் கெத்துக்கு நீ எல்லாம் R15, Thunderbird வாங்கணும் டா " ன்னு சொல்லணும் . அதுக்கு அவன் பெட்ரோல் காசுக்கு கிட்னிய விக்க வைக்கணும் .

7. SRM Confessions, CTS ,TCS confessions பேஜ் க்கு போயி "டியர் ரவி , நான் உன்ன ரகசியாமா டாவ் அடிக்கிறேன்.. பல்லு வெளக்காம நீ கேண்டீன்ல காப்பி குடிக்கிற அழகை ரசிக்கிறேன்...ச்சோ ச்வீடு டா " ன்னு நாமலே பொண்ணு பேருல போஸ்ட் பண்ணனும் .

8. " நீ Hair straitening and burgundy coloring பண்ணா டாம் க்ரூஸ் மாதிரியே இருக்கும் நண்பா... Naturals போய் பாரேன் ன்னு சொல்லி அவன முடிவெட்ட 3000 ருபாய் அழவைக்கணும்

9. மைக்ரோ டிப் பென்சில் மாதிரி இருக்கிற தனுஷே சிக்ஸ் பேக் வைக்கிறார்...நீ எல்லாம் எறங்கி பாடி ஏத்துனா மரண மாசு மாப்ள னு சொல்லி " உசுபேத்தனும் . ஜிம்முல சேர்ந்து மாசம் 500 ரூபாய் அழுவான்.

10. மெரினா ல பாணி பூரி, மொளகா பஜ்ஜி வாங்கி தின்னுகிட்டு இருந்தவன பதமா KFC, McDonald கூட்டிட்டு போயி வாங்கி சாப்பிட வைக்கணும்...பயபுள்ள எப்படியும் ஒரு பொண்ணுகிட்ட பந்தா காட்டவாச்சும் நம்மள கழட்டி விட்டுட்டு அப்புறம் அங்க போவான்.. KFC என்பது "ஒரு வழி பாதை " போனா திரும்ப முடியாது.. மாச கடசில அவன் பர்சு அவன பாத்து காரி துப்பும்.

To be cont...

யோசனைகள் வரவேற்கப்படுகின்றன ..

சட்டுபுட்டுனு ஒரு கதை -15

வெடிகுண்டுகள் பின்னணியில் வெடிக்க, ஹெலிகாப்டர்கள் குண்டு மாரி பொழிய பொழிய அந்த Chase போய்க்கொண்டே இருந்தது . ஒருவரை ஒருவர் சுட்டுக்கொல்ல எத்தனித்த அந்த இருவரும் அவர்களது Plasma gun நின் ட்ரிக்கரை விடாமல் அழுத்திய படி இருந்தனர். தீபக்கிற்கு ஒரு விரல் குண்டு பட்டு துண்டாகி விழுந்து. விஸ்வாவின் குறி தவறவே இல்லை. 

அந்த வலியிலும் தேடி தடவி ட்ரிக்கரை தீபக் அழுத்திய நொடியில் விஷ்வாவின் வலது கண் பிதுங்கி வெளியே வந்து விழுந்தது.

தோட்டாக்கள் தீர்ந்து போனதால் கத்தியை எடுத்து விஷ்வாவின் மேல் தீபக் பாய்ந்த நேரத்தில்
.
.
.

" டேய் ..இப்போ சாப்பிட வரீங்களா இல்ல வந்து அந்த வீடியோ கேம ஆப் பண்ணவா ?...அப்படி என்னதான் இருக்கோ இந்த விடா கேம் ல "

என அம்மாவின் அதட்டல் கேட்டதால் Pause பட்டன் அமுக்கிவிட்டு சாப்பிட சென்றனர் விஷ்வாவும் , தீபக்கும் .

அவர்களின் வீடியோ கேம் ரோபாட் மனிதர்கள் அதே கொலைவெறியுடன் pause பட்டன் ரிலீஸ் ஆக வெயிட் பண்ணிக்கொண்டு இருந்தனர்.

( அதே நேரம் , பிரபஞ்சத்தின் இன்னொரு பரிமாண வெளியில் ஒரு தாய் ரோபாட் அதட்ட pause அமுக்கி விட்டு ஓடின இரண்டு ரோபட் குட்டிகள். அவர்கள் ஸ்க்ரீனில் விஷ்வா தீபக் என்ற இரண்டு மனிதர்கள் துப்பாக்கி ஏந்தி அதிக கொலைவெறியுடன் காத்திருந்தனர் . )

நகைமுரண்கள் பெரியாரிஸ்ட்டுகள் , தமிழ்தேசியவாதிகள் :

நகைமுரண்கள் பெரியாரிஸ்ட்டுகள் , தமிழ்தேசியவாதிகள் :

இந்து மதத்தை மானாவாரியாக கிண்டல் அடித்துவிட்டு இசுலாமிய நெறி பரப்பும் "இஸ்லாமிய பெரியாரிஸ்ட்டுகள் ",

"இஸ்லாமிய தீவிரவாதிகள் !! ஐயோ அம்மா !! " என்று கதறிவிட்டு காவி தீவிரவாதத்தை கண்டு கம்மென்று இருக்கும் இந்து பெரியாரிஸ்டுகள் ,

IPL போட்டிகளை என்ஜாய் பண்ணிவிட்டு , மும்பை இந்தியன்ஸ் ராக்ஸ் என்று ஸ்டேடஸ் போட்டுவிட்டு தனித்தமிழ் தேசியம் வாழ்க போடும் தமிழ்தேசியவாதிகள் ,

விடுதலைப்புலிகளை முற்றிலும் தடை செய்யவேண்டும் என்று கூறிய தெய்வீக அம்மையாரை "ஈழத்தாய் " என்று கூறும் தமிழ்தேசியவாதிகள்

சிலைவழிபாடு தவறு என்று கூறிவிட்டு குருபூஜைக்கு பழம் பால் எல்லாம் வைத்து படைக்கும் குருபூஜையை வரவேற்கும் பெரியாரிஸ்ட்டுகள் ,

"தமிழ்ல பேசுறவன் மட்டும் தான் தமிழன் , வந்தேறிகளே வெளியேறுங்கள் !!" என்று கொக்கரித்துவிட்டு சவ்க்கார் பேட்டையில் பாணி பூரி விற்பவன் , சுற்றுலா வந்த புத்த பிட்சு , பெண்கள் சிறுவர்களை அடித்துவிட்டு "நாம் தமிழர் டா " என்று மார்தட்டிவிட்டு ஹோட்டலில் Server ரிடம் இங்லிபீசு பேசி தமிழுணர்வு காட்டும் தமிழர்கள் ,

என்று தங்கள் வசதிக்கு ஏற்ப பெரியாரிசம் , தமிழ்தேசியவாதம் ஆகியவற்றை வளைத்துக்கொள்ளும் ஆட்கள் இருகின்றவரை ஆரிய அடிமைத்தனம், தீபாவளி தமிழர் பண்டிகையா இல்லையா ? தமிழ் புத்தாண்டு எது என்றெல்லாம் விவாதிப்பது பயனற்றதாகவே தெரிகிறது. தேவையும் இல்லாதது .

பெரியாரின் பெயரை சொல்லிக்கொண்டு இந்து பாசம் , இஸ்லாமிய பாசம் காட்டுவதற்கு அவர்கள் வாய் மூடி சும்மா இருக்கலாம்.

தமக்கு வேண்டிய வகையில் ஒரு நம்பிக்கையை வளைத்துக்கொள்ளும் இடத்தில இருந்து தான் ஜாதி, மதம் ஆகியவை தொடங்குகின்றன என்பதை அறிந்தால், "இந்து பெரியாரிஸ்ட் " "இஸ்லாமிய பெரியாரிஸ்ட் " " IPL தமிழ்தேசியவதி " " பாணிபூரி விற்பவன் வந்தேறி , வந்தேறி வெளியேறு இயக்கத்தினர் " என்று எக்கச்சக்க போலிகள் உருவாகி இருக்காது.

தீபவாளி ஒரு வழியாக கடந்துவிட்டது . அடுத்து கிறிஸ்மஸ் வருகிறது. இயேசு நாதர் தமிழன் அல்ல , கிறிஸ்மஸ் தமிழ் பண்டிகை லிஸ்ட்டில் சேராது என்றும் சில பெரியாரிஸ்ட்டுகள் , தமிழ்தேசியவாதிகள் கூறுவார்களா என்று பார்ப்போம்.

எதிர்க்கப்படவேண்டிய ஆரியம் எல்லாம் சிறியதுதான். ஆனால் மிக மிக சீக்கிரமா சீர்திருதப்படவேண்டியது போலி பெரியாரிசமும் , போலி தமிழ் தேசியவாதமும் தான் .

ஏனோ இன்று தங்கள் படம் அச்சிடப்பட்டு கடைகளில் தொங்கும் பனியன்களில் மட்டுமே பெரியாரும் , சே குவேராவும் இணைந்து நிற்கிறார்கள்.